Þau áföll sem nú dynja yfir Flateyri í atvinnumálum eru öll af mannavöldum.  Hér birtist versta hlið kvótakerfisins grímulaus. Mest allar aflaheimildir sjávarþorpsins eru horfnar á braut en svona eru fiskveiðistjórnunarlögin.  Í þeim er sama og engin vörn, fyrir byggðarlög eins og sjávarþorpið Flateyri sem er með gjöful fiskimið svo að segja við bæjardyrnar.  Ljóst er að endurskoða þarf fiskveiðistjórnunarlögin með hraði til að svona vandamál komi ekki upp aftur og aftur allt í kringum landið. Það ferli mun taka of langan tíma og því þarf að bregðast fljótt við, ef ekki á illa að fara.

Georg Arnarson formaður bæjarmálafélags Frjálslynda flokksins í Vestmanneyjum kallar eftir ábyrgð þeirra sem kváðu niður málefnalega gagnrýni á hafnargerð á Landeyjarsandi.  Í bloggfærslu skorar Georg á eftirfarandi aðila; Sigurður Áss Grétarsson, Siglingamálastofnun, Elliði Vignisson, bæjarstjóra í Vestmannaeyjum, Kristján Möller, alþingismann og fyrrverandi samgönguráðherra, Róbert Marshall, alþingismann og Árna Johnsen, alþingismann sem bera ábyrgð á milljarða klúðri að segja af sér.  Það er ljóst að þrátt fyrir að milljarðar hafi farið í samgönguframkvæmdir þá eru samgöngur við Eyjarnar ótryggari en áður.