Kæru samherjar,

Núna eru kosningarnar yfirstaðnar og rykið farið að setjast eins og glöggt má finna í Reykjavík síðustu dagana. Við í Frjálslynda flokknum buðum fram krafta okkar til góðra verka fyrir borgarbúa en fengum ekki hljómgrunn eins og niðurstaða kosninganna sýndu okkur.

Við skulum ekki sýta úrslit kosninganna. Aðstæður voru um margt sérstakar. Framboð Jóns tók sviðið svo rækilega að hvorki önnur framboð né málefni komust á framfæri. Þegar blaðamenn ákveða að verða hluti af dýrð fræga fólksins er úr vöndu að ráða fyrir lítil framboð sem hafa ekki fjármagn til að kaupa sig framhjá áhugaleysi fjölmiðla. Reyndar var þetta bara upprifjun á því þegar blaðamenn skoppuðu í kringum útrásarvíkingana og bankamennina fyrir hrun.

Miðstjórnarfundur í kosningamiðstöð Frjálslynda flokksins í Reykjavík

Það verður haldinn miðstjórnarfundur í Frjálslynda flokknum næstkomandi sunnudag þann 2. maí n.k kl: 20.  Fundurinn verður haldinn í kosningamiðstöð Frjálslynda flokksins í Reykjavík að Ármúla 21.