Það er margt merkilegt í íslenskum stjórnmálum. Almenningur afgreiðir stjórnmál og stjórnmálamenn oft sem einn pakka sem ekki sé treystandi á. Ekki fjarri lagi en oft byggt á lítilli rannsóknarvinnu hjá almenningi. Fjölmiðlar og blaðamenn bera mikla ábyrgð á þessu ástandi. Það er skrásett staðreynd að Alþjóðagjaldeyrissjóðurinn á alltaf lokaorðið í stefnu íslensku ríkisstjórnarinnar nema þegar kemur að ljósabekkjum eða súludansi. Það heitir á betra máli að fullveldi landsins sé í höndum stofnunar(AGS) sem er vel þekkt fyrir að tileinka sér hugmyndafræði Milton Friedmans og drengjanna frá Chicago.

Lesa meira...

Opinn fundur Frjálslynda flokksins í Reykjavík álítur að kosninga- og hugsjónasvik svokallaðrar Norrænnar velferðarstjórnar hljóti að vera á heimsmælikvarða. Skjaldborgin og velferðarbrú íslensks samfélags, sem voru aðal kosningaloforð stjórnarinnar reyndust svik og prettir, því að stjórnin hefur ákveðið að gefa íslenskum heimilum í greiðsluvanda ekki lengri uppboðsfrest en til enda október, en þá munu þúsundir fjölskyldna fara í gjaldþrot og jafnvel hrökklast út af heimilum sínum.

Lesa meira...

Umhverfis- og auðlindastefna núverand stjórnvalda virðist ekki ætla að þjóna hagsmunum almennings í landinu til framtíðar. Afsal á auðlindum okkar öðrum til hagsbóta virðist vera meginstefið. Agnar Þorsteinsson rekur sögu HS Orku, Orkuveitu Reykjavíkur og Magma fyrirtækisins. Sú saga endurspeglar tilraunir hóps einstaklinga til að komast að arði auðlinda HS Orku á Reykjarnesi. Arðurinn mun fara í vasa fámenns hóps en ekki í sameiginlegan sjóð landsmanna sem eiga auðlindina og gerðu það mögulegt í upphafi að vatn í gufuformi yrði arðvænlegt.

Þetta er svipað og rækta skóg áratugum saman og síðan kemur einhver og heggur hann allan niður og selur í timbur. Ég á áfram skóginn en hinn átti bara nýtingaréttinn en ekki ég.

Lesa meira...